Ka 4th U Adelbert Laloo Memorial Trophy kawa tip leh kam ka 3rd Division Football Tournament 2024 wa pynman da ka West Jaiñtia Hills District Sports Association (WJDSA) da poi ko cha ka sngi wa Arphaw-san ynne deiwa pynman ar tylli ki ka yalehke Pre-Quarter.
Ha ka yalehke wa nyngkong, ka Riatsaliya da jop su ko ya ka Loompyrdi Iongpiah da 10-2.
Ya ki kool ka Riatsaliya da thap da u Iohhi Chyrmang soo tylli ha ka minit wa 12, 71, 76 wa 38, le tylli na u Neviki Phawa uwa da thap ha ka minit wa 66, 73 wa 78, ar tylli na u Nedy Chyrmang uwa da thap ha ka minit wa 25 wa 44 wa chi kool na u Ohi Dkhar uwa da thap ha ka minit wa 40+1.
Ya ka Loompyrdi Iongpiah da thap da u Iakhroo Laloo ha ka minit wa 33 wa u Leni Bareh ha ka minit wa 50.
Ha ka yalehke wa ar, ka Newhill da jop ko ya ka Phramer da 3-0 da ki kool wa thap u Simeone Suchiang ha ka minit wa 54, u Hamedamanbha Thma ha ka minit wa 76 wa u Dawanlang Laloo ha ka minit wa 80+3.
Ki Pre-Quarter mynstep u pynman ar tylli biang kiwa man kamni:
Iooksi Youth welfare Vrs Lumpyrtuh Mihmyntdu (24-08-24 heipor 12:30 PM)
Luti Tuber Ialong Vrs SCSC Nonglatem (24-08-24 heipor 2:30 PM)
Discussion about this post