3rd Division: Psiah Quarter saka Pateinki, Moodop, Madan Kynsaw waka Da-I-Hi

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) ynne da pyndep ya ki yalehke Pre-Quarter Final wa dang sah soo tylli.

Ha ka yalehke wa nyngkong, ka Pateinki Sabah da jop ko yaka Lumkhangdong Kyndongtuber da 1-0 da ka kool wa thap u Shngain Shylla haka minit wa 52.

Ha ka yalehke wa ar, ka Moodop Royal da jop ko yaka Mulang Ialong da 6-5 deiwa yachut Tie-Breaker hadien wa ka yalehke da kut ko da 0-0.

Ha ka yalehke wa le, ka Madan Kynsaw Mookyndeng da jop ko yaka Myrjai da 7-2.

Ya ka Madan Kynsaw Mookyndeng da thap kool da u Dangri Phawa haka minit wa 23, 50 wa 60, u Albert Sariang haka minit wa 37 wa 79, u Fernando Sayoo haka minit wa 40+2 wa u Philemon Lamare haka minit wa 65.

Ya ka Myrjai da thap kool da u Treilang Kyndait haka minit wa 12 wa u Jumonki Phawa haka minit wa 58.

Ha ka yalehke wa soo, ka Da-I-Hi Mynsngat da jop ko ya ka Iooksi Youth Welfare da 3-2 deiwa yachut Tie-Breaker hadien wa kut ka yalehke da 2-2.

Ya ka Da-I-Hi Mynsngat da thap kool da u Repilda Muksor haka minit wa 9 wa u Pynskhem Mukhim haka minit wa 22 katwa ya ka Iooksi Youth Welfare da thap kool da u Pyrshang Tangliang haka minit wa 34 wa u Khatarbor Suchiang haka minit wa 41.

Related posts

Yoh ki ar ngut kiwa na East Jaiñtia Hills yei naam Best Athlete ha ka State Level Inter-School Meet 2026

May 24, 2026

MSL 5: Psiah Semi ka Langsning | U yaknieh ka Nangkiew Irat wa ka Rymbai Shkenshynriah

May 23, 2026

Kamtæ ka Moodop Royal, ka Pateinki Sabah, ka Madan Kynsaw Mookyndeng waka Da-I-Hi Mynsngat da yoh ki wow psiah Quarter Final kiwa daw sdang ha ka 18 tarik uni u bnai.

Kiwi kiwa da dep wow yoh u psiah Quarter toh ka Mukhla Umlangchor, ka New Hill, ka Madan Thadmuthlong waka Mookyrdup.