Ka 21 tarik uni u bnai da man ko kawa boon dooh ki bru wa chong lieñsuiñ ha chi sngi hapoh India namo ka Domestic Air Traffic heiwa ki bru wa lai luti dei suiñ da em ki 4,71,751 ngut katkam wa pyntip da ka Ministry of Civil Aviation.
Ini da pyntam ko yei por wa chwa u wan u Covid iwa da ku da 14% heiwa iwa rim wa boon dooh chi sngi toh 3,98,579 ngut.
Haka 21 tarik uni u bnai, da em 6,128 tylli ki lieñsuiñ kiwa da hær ha kylleiñ ka ri iwa da ku bha hawa nujor haka jooh ka sngi yong u snem 2023 heiwa da kit ya 4,28,389 ngut ki bru da ki 5,899 tylli ki lieñsuiñ.
Ka Civil Aviation Ministry da ong ko wa da jia ini toh neidaw wa da wanrah ya chiboon ki Policy wa yarap yei roi i paar wei kamjooh i heh i krai ki lieñsuiñ wym em chimdor sy’at.
Ka Directorate General of Civil Aviation (DGCA) da kheiñ ko wa ki lieñsuiñ wa hær du hapoh ka ri da kit ki ya 391.46 lak ngut ki bru ha u January-March 2024, wei ha kini ki jooh ki bnai ha u 2023 da kit ya 375.04 lak ngut iwa ku da 4.38% chi snem wa 3.68% chi bnai.
Da antaad wa ini waroh daw ku chooh chooh i ha ki bnai wow wan.
Discussion about this post