I thooh ya ki ar ngut iwa da neh soo sngi, da kut noh i ynnin ka 26 tarik hadien wa chem ya ki metyap yong kiwa chah tymmoh ha u thah hei haap yor ha Bharmour, Chamba District ka Himachal Pradesh. Hawa chem ya ki metyap da em leh u ksaw wa yang harood i met u Piyush Kumar (13 snem) wa chah tymmoh ha u thah.
U Piyush Kumar wa u Viksit Rana (19 snem), da lai ki cha Bharmani Mata Mandir ha 22 tarik uni u bnai wow chna Video tangwa da sahkut ki hei joor ka yor. Hadien wym poi yung ki da pyntip cha ki bor sorkar kiwa da phah ya ki State Disaster Response Force (SDRF) wa ki Helicopter ka Indian Army wow thooh ya ki wei da chem ya ki hadien 96 kynta.
Uni u ksaw toh u yong u Viksit Rana tangwa da chem ya oo harood i metyap u Piyush.
Neidaw wa sih i bneiñ wei jrong ki loom, da yoh u yaklam wa uwi na ki ar ngut lyngba ka Mobile ha ka 23 tarik, tangwa da thut noh ka Network iwa da pynchitom wow thooh ya ki.
Ha ka 25 tarik da thooh biang ya ki da ki Helicopter wa ki Drone tangwa ym chem ya ki.
Ynnin ka 26 tarik da yoo ya ki Tent heipor 9:30 i step wei da chem ya ki metyap yong ki chirup wa uni u ksaw wa yang harood.
Ka SDRF ka Himachal da pyntikna ko wa da chem ya i metyap kini ki ar ngut wei da pynuiñ ya u ksaw cha kiwa ha-yung u Viksit Rana.
Discussion about this post