15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

40 sngi u lai chah hikai ka Phogat cha baar ri lyngba ka Target Olympic Podium Scheme

Advertisement ad1

Ka sorkar pyrdi lyngba ka Target Olympic Podium Scheme (TOPS) da pynlait (Sanctioned) ko ya ka poisa neibynta 40 sngi wow chah hikai (Training Camp) ya kawa yaslait (Wrestler) ka ri, ka Vinesh Phogat.

Ya ka Phogat daw synraan da u Coach Woller Akos, ka Priyanka Phogat wa ka Physiotherapist ka Poornima Raman Ngomdir.

Kani ka Camp u sdang ko nadooh ka 28 tarik uni u bnai hadooh ka 24 Duyatra (Jan) 2021 ha Vasas Sports Club Budapest, Hungary wa nadooh ka 24 Duyatra (January) hadooh 5 Thohlakhmi (February) ha Olympic Training Centre, Szczryk, Poland.

Da antaad wa i lut ha ini i lai esikai da kynjoh i kamwa T. 15.51 Lak iwa kynthup nadooh i lai i wan, i baam i dih wa i thaw sah.

Ka Phogat da psiah (Qualified) ko ha ka Tokyo Olympics ka wow man ha u Naiynñiaw wa Naisaphra 2021 ha ka yaslait ki kynthai ha ka kyrdan 53 kg hadien wa yoh takma tama ko ha ka 2019 World Championships.

Share this:
Previous

Daw pynkup burom ka Seiñ Kur Dkhar Wapung Circle ya kiwa lehbha ha i puræ puthi

Next

Saam kymmor ka Ladmukhla cha ki 45 ngut kiwa emkaam yarap hapoh ka chnong