U MP ka Lok Sabha na Shillong, u Dr Ricky AJ Syngkon da ong u wa ki kam damok wa jia katni ymtoh de du ha sor tangwa ha ki thaaiñ palatsor.
Hawa pynsñiaw yei sñiawkhia hajrong ki kaam wa yoochyrkhei ha kini ki sngi katni, u MP da kyntulang u ya waroh wow mih ryntihlang wow leh iyi iyi wei wym em laad ya kni ki kaam damok kiwa da wanrah yei sier mynsien ki khynnah wa kiwa da heh.
Da ong u wa ha kani ka juk ym ye wow pdiang ya kam kini ki kaam, heiwa da kyntu ya ka sorkar, ki dorbar chnong wow chim yei kitkhlieh wow leh iyi ræ iyi wei ymtoh wow jia de kam kini.
Da ong u leh wa em boon ki daw wa wanrah ya kam ini wa jia wei iwi na ki daw toh wym biang i yoh kreh, i hiar dor ki manyung iwa da emkaam wow chimkhia.
U Dr. Ricky da ong chooh chooh u wa ka jylla Meghalaya da man nyngkong ko heiwa hadooh 41% ki manbei da kit da pait ki yeiwa emkaam ha ka yung ka sem, deiwa pynrap wa kini ki manbei wa 41% pait ki ya kamwa 42% na kiwa chong chnong ka jylla, iwa man iwa sñiawkhia bha ha ka imlang sahlang wei iwa emkaam toh u leh iyi ræ iyi neibhah da wanrah ko yei dooh i duk.
Heijooh i por u MP da khut da wer u ya ki Balang waphær waphær wow kitlang kamjooh kiwi ki seiñ wei ymtoh wow ong wym toh i kaamram yong ki, tangwa toh u embyntalang da waroh ha kawon kawon ka rukom.
Hawa yatoh wa i drugs, u Dr. Ricky da ong wa hap wow kylli yei daw wa roi i drugs wei da hap bichaar bniah bha neibhah ymtoh iwa poi donhi kamtu hi-eh.
Discussion about this post