Kam chibynta wow booddien yeiwa da pynkhreh yei pynman biang ya ka National Eligibility-cum-Entrance Test (NEET-UG) 2026 da ka National Testing Agency (NTA) ha ka 21 tarik uni u bnai, da pynman ya ka High Level Meeting ynnin ha Committee Room-III ka Additional Secretariat Building ha Shillong.
Ya kani ka Meeting da pynlai da u B. Mawlong, Secretary ka sorkar Meghalaya, Health & Family Welfare Department.
Neiliang u Mawlong da pait u yeiwa da booh da pynkhreh da ki bor District wa kiwi de kiwa embynta ha ki Examination Centre. Da ban joor u yeiwa emkaam u pynlai ya ka Exam deiwa em i suk i saaiñ deiwa lait na iwon iwon i thut kamjooh deiwa em i ya krehlang yow lait kiwa wan thoh Exam u chah pyndik.
Neiliang ki District wa em Exam Centre da khana ki yeiwa da leh nadooh wow pynbiang ki bru wow yada, ki kari, i pyntikna wym thut ka bordiñ wa kiwi de.
Waroh da em 14 tylli ki Exam Centre ha Meghalaya yow pynman ya ka NEET-UG 2026 heiwa na kini 10 tylli toh kiwa em ha Shillong, ar tylli ha Tura, kawi ha Jowai wa kawi ha North Eastern Police Academy (NEPA) Campus hajan Umiam, Ri-Bhoi District.
Waroh kiwa daw thoh ya kani ka Exam em ki 4,164 ngut ha ka 21 tarik.
Ha kani ka Meeting da sñiawskem wa iwa da pynkhreh toh iwa da biang yow lai bait ka NEET-UG 2026 hapoh ka jylla.
Discussion about this post