Shillong : U Montri Rangbah ka jylla u Dr.Mukul Sangma da ong u wa em 45 tylli ki Karkhana ah dieñ ha ka jylla waroh kawi kiwa yoh license.
Yeini da jubab u yeiwa da kylli u MLA ka Rambrai u K.P. Pangiang ha yung dorbar ynne ka sngi, u Dr. Mukul da ong u wa ka sorkar thmu wow wai chooh chooh ya ki yaaw karkhana wa tip kam ki Industrial Estate ha ki Sub-Division yong ka jylla deiwa bood ya ki aiñ ka sorkar pyrdi.
Da pyntip u wa ka tnat Environment, Forest & Climate Change da phah ko ya ki kyndon hei yatoh wa ki karkhana ah dieñ ha 11 tarik u Khonchonglad (November) 2016 cha ka sorkar jylla.
Da ong u leh wa yow pynsuk ya ki paidbah da booh ya ki 7 tylli ki karkhana ah dieñ ha ka jylla kiwa kynthup ya ka Khliehtyrshi ha West Jaintia hills, ka Umiam, Byrnihat, Nongpoh ha Ri-Bhoi, Mawiaban West Khasi Hills, Tura ha West Garo Hills, wa ha Daugre ha East Garo Hills.
Ka sorkar da booh ko leh ya ka State Level Expert Committee neibynta ki Karkhana ah dieñ ha u Thohlakhmi (February) 2017 katkam ki kyndon wa da booh ka sorkar pyrdi.
Discussion about this post