March 21, 2017

Da sdang ka Inter-School Sports Meet ka East Jaiñtia Hills

Advertisement ad1

Khliehriat: Ka East Jaiñtia Hills District ynne ka sngi da pynman ko ya ka Inter-School Sports Meet ha madan Teilang Dkhiah, EJH heiwa da wan chimbynta 27 tylli ki skur.

Ya kani ka lympung da pynman hei yakrehlang wa ka yung krehkaam u DSO ka EJH wei da emlang leh u DSO u G. Gassah uwa pyllai ya i wai ya kani ka Sports Meet.

Advertisement ad1

Ha kani ka sngi da em leh ka G.L. Pde, DSEO, Khliehriat heiwa u M.S. Lhuid, DC ka EJH da man u kam u kongsan ha kani ka sngi uwa da pynhær leh ya ka lama kam ka dak wa da wai ya kani ka lympung.

U DC hei klam yong oo da ong u wa ka thong nyngkong yong ki khynnah wa dang puræ puthi toh u khreh kot tangwa ym hoi u mylliñ leh yei chait i khiah i doh i pran.

Neiliang u DSO won da pynchlur u ya ki khynnah wow chimbynta ki ha ki kaam Sports wa ka-it ki.

Kani ka lympung toh ka wow pteiñ 3 sngi lynter wei ya ka yalehke da yabhah ha ki kyrdan Above 16 Years, Under 16 Years wa Under 14 Years.

Ki yalehke wa chimbynta ki khynnah toh ka yaphet 100 Meter, 200 Meter, 1000 Meter, Discuss Throw, Javelin Throw, Shot Put, ka Phet Relay 4×400 Meter wa kiwi kiwi.

Kam wow pynkynmoo ha u snem wa da dep da pynman ya kani ka Sports Meet ha i jooh i thaw wei yei naam Best Combine Over All da yoh rah da ka Seiñ Jait Tuber Higher Secondary School, Tuber Kmaishnong.