U MLA ka North Shillong, u Adelbert Nongrum ynne ka sngi kawa man ka sngi khaddooh dorbar man tangka ka jylla da wanrah biang u ya i kaam wa yatoh wa ka Khyndailad wa man ko kam ka thaw kit kynthai kiwa khayi yei doh i pran yong ki dei sñiawkhia hajrong i chait i khiah yong ki.
Neiliang u Nongrum da pyntip u wa katkam ka bui na ka National AIDS Control Organisation (NACO), ha u snem 2018-19 em 1553 ngut ki kynthai kiwa khayi yei doh i pran yong ki kiwa da pynpsiah pyrtuid (Registered) ha ki thup ki seiñ waphær waphær.
U Nongrum da ong u wa katkam ka yukheiñ na ka Meghalaya AIDS Control Society ha u snem wa dadep em 4,525 ngut ki bru ha ka jylla kiwa em ya u khñiang HIV wei na kini 2,198 toh ki kynthai wei 223 ngut toh ki khynnah (104 ki chynrang wa 119 ki kynthai).
Da ong u leh wa kini ki yukheiñ man ki kiwa pynkhyrngiat neibhah lada kyruiñ, ka jylla em ko 32 lak ngut donhi ki bru.