theme-sticky-logo-alt
theme-logo-alt

464 ngut ki koidi ha Shillong District Jail hawa chniam du 164 ngut, emkaam thaw yow chna Central Jail

U Inspector General of Police (Prison), u Mariahom Kharkrang da ong u wa ka chnat dang yang ko sa du ya ka sorkar jylla wow ekti noh yei thaw wa heh 25 Acre ha New Shillong Township neibynta wow chna ya ka Central Jail.

Da ong u em du ar tylli ki laad katni wow pynkyllooid ya ka Shillong District Jail, itæ toh wow pyndep noh ya ka patok ha Nongstoin wei wow chna noh da ka Central Jail.

Da pyntip u wa ka chnat dang yakreh ko waka chnat PWD (Buildings) wow pynkhreh ya ka Master Plan neibynta wow chna ya ka Central Jail mar ya ekti ka sorkar yei thaw. Da ong u wa ye wow chimpor kajiak wow lai chakhmat ya i kaam, neibhah ya ka mang poisa leh daw rai da ka sorkar.

Hawa kylli ha iwi i liang, u IGP da pynsñiaw u da khynnia ka Shillong District Jail, neibhah wa chniam du kamwa 164 ngut kiwa ye u chah kset, katwa kiwa chah kset da em hadooh 464 ngut kiwa kynthup 448 ngut ki chynrang wa 16 ngut ki kynthai.

Hawa yatoh waka Nongstoin District Jail, uni u heh pulit da pyntip u wa hadooh katni kamwa 60% i kreh da pyndep wei em ki chiboon ki kaam wa dang hap u pyndep.

Share this:
Previous

Lai tyrrah ka kari ha khyrdop COVID ha Umling yow lait u tre nei chah rahbor

Next

Da pynthymme ya kiwa kitkaam ka Dorbar Chnong Ladrymbai Dongwah