U SP ka Ri-Bhoi District da pyntip u wa kam chibynta wow pynkhreh yaka Lok Sabha Election wa daw man, da booh yei thaw kynreh kari ha Lad Umsaw da ki pulit ka DEF deilang waka E/67 Battalion ka CRPF ynnin ka 3 tarik.
Yeini da leh hadien wa da em wa pyntip wa daw wan kawi ka Truck wa em Number NL-01A-5853 kawa kit ya ki mar wa pyrchah aiñ.
Kamtæ kani ka Truck da wan ko heipor janmiet ynnin ka sngi heiwa da pynsangeh ka wei hadien wa kynreh ka da chem 280 tylli ki yusong wa em da u bhang hapoh.
Uni u bhang toh uwa khia 4,746.406 Kg uwa chongdor Rs. 20 klur.
Heiyatoh wa ini da kem ya uwa yah ya kani ka Truck uwa tip kam u Babulal Sheikh uwa 48 snem i rta uwa na Osmanabad, Maharashtra.
Ya uni da pynngat hapoh ka aiñ NDPS Act wei yaka takit da leh da ka Umiam Police Station yow chemdien ya kiwi de kiwa emkti.
Discussion about this post