Iwa ye u man wow pynheh chooh chooh ya ka thma, u President ka USA, u Donald Trump da e por u ya ka Iran 48 kynta yow wai ya ka Strait of Hormuz lym kamtæ daw dat siat ya ki Power Plant ka Iran.
U Trump da maham u wow siat nyngkong ya kawa heh dooh ka Power Plant ka Iran lada ym yoh laad ki jhaad kit phniang wow lai deiwa suk na ka Strait of Hormuz.
Kiwi won ki ri wa kynthup ya ka United Arab Emirates, United Kingdom, France, Germany, Italy, Netherlands, Japan, Canada, Republic of Korea, New Zealand, Denmark, Latvia, Slovenia, Estonia, Norway, Sweden, Finland, Czechia, Romania, Bahrain, Lithuania wa Australia da pynmih ki deilang ya ka khubor yow beiñ ya ka Iran yeiwa siat ko ya ki jhaad wa em ki bru paidbah kiwa lai luti naka Gulf of Persia kamjooh i siat ko ya ki thaw pynmih phniang wei pynmih Gas wei i khang ya ka Strait of Hormuz da ki chipai ka Iran.
Da pynsñiaw ki leh yei sñiawkhia yeini wa jia neibhah hap wow booh ya ka UN Security Council Resolution 2817 yow yoh ki jhaad wow lai deiwa laitlooid.
Ha iwi won i liang da e khublei ki ya ka International Energy Agency yeiwa pynlait ko ya ka Strategic Petroleum Reserves.
Kam wow kdaw heini wa 20% i phniang ka pyrthai toh kiwa kit ki jhaad wa lai na kani ka Strait of Hormuz.
Discussion about this post