Kam chibynta wow pynkhreh ya ka Election MDC 2025 yow man ko kawa lai bait, ki pulit ka West Jaiñtia Hills District da chong pyrkhat ki ynne ka sngi ha yung krehkaam u Superintendent of Police.
Hadien wa sylli bniah ya ki Polling Station chirup wa ka Election Cell kamjooh ki Sector Officer wa ki thanat, da chem 48 tylli ki Polling Station wa man synjor namo kiwa man Vulnerable wa ye u mih i kulmar.
Heiyatoh wa ini da phah ya ki tre wa em tiar yasiat wow li booh ya ki suloi ki wa kiwi de ha ki pulit, da pynman leh ya i kynreh kari, i kem kiad wei wow paitsiar ya kiwa jooh myllien wow tyngkheiñ aiñ, i lai Patrolling wa kiwi de ki kaam.
Najrong ki pulit wa da em ha jar jiar ki Police Station, ki Outpost kiwa leh yei kaam yong ki, da wanrah leh 550 ngut ki pulit ki wow lai kreh heipor thap Vote.
Da pynboon leh ya ki pulit ha ki Vulnerable Polling Station najrong wow em sa ki Quick Response Team kiwa daw em ha ki thaw wa kyrpang.
Da pyntikna leh wa ym em wa tyngkheiñ ya ki kyndon ka MCC wei ympu em ki Case wa yatoh wa ki kaam Election.
Daw pynjoor leh yei sonteri ha khappood khamtam ha ka sngi thap Vote.
Da pynman leh ya ka yalang hapyrdi ki SP wa DC kamjooh i yakrehlang wa ki bor District ka West Karbi Anglong.
Wei kamwa man kattæ waroh ki yalap Election da man ki kiwa lai bait lai ryntih.
Discussion about this post