Hadien wa kiwa dang yoh COVID-19 ha Meghalaya da neh ki hapoh 200 ngut la le sngi heiwa kiwa chait leh da boon ki ya kiwa dang yoh la le sngi, ynne ka sngi da ku syndet da kiwa dang yoh hadien wa em 82 ngut kiwa dang yoh ha West Jaiñtia Hills wa kynthup ya 49 ngut ha District Jail, Jowai Cluster.
Kiwa dang yoh ynne ka 9 tarik da em ki 218 ngut, kiwa dang chait 134 ngut wa 2 ngut kiwa dang yap (1 wym pu em yoh tika). Kiwa dang yap toh ha East Khasi Hills (01) wa ha West Jaiñtia Hills (01).
Na kiwa dang yoh kiwa boon dooh toh ha West Jaiñtia Hills (82), ha East Khasi Hills (65) wa ha West Khasi HIlls (38) katwa ha kiwi ki District kiwa dang yoh da em ki hapoh 15 ngut.
Kiwa duna dooh kiwa dang yoh toh ha South Garo Hills (00), South West Garo Hills (01), East Garo Hills (02), East Jaiñtia Hills (03), West Garo Hills (04), North Garo Hills (05), South West Khasi Hills (07) wa ha Ri-Bhoi (11).
Ki District wa boon dooh kiwa dang chah ktah toh ha East Khasi Hills (916), West Khasi Hills (394), West Jaiñtia Hills (221) wa ha Ri-Bhoi (164).
Ki District wa duna dooh kiwa dang chah ktah toh ha South Garo Hills (02), South West Garo Hills (06), North Garo Hills (11) wa ha East Garo Hills (18).
Waroh kiwa da chait da em ki 95.74% kiwa em 74,380 ngut, kiwa dang chah ktah da em ki 2.53% kiwa em 1970 ngut, kiwa da yap 1.72% kiwa em 1339 ngut, deilang dapoi 77,689 ngut kiwa da dep yoh ya uni u khñiang hapoh ka jylla.
Kiwa dang yap man ki kamni ha wah:
- Patient’s name: Attend Nongbri, 53 Yrs/M
Address: Laitlulum, Sohiong, EK Hills
Admitted on 07-09-2021 in Dr.H.G.Roberts Hospital, Shillong
Expired on 08-09-2021
Cause of death: Covid-19 Pneumonia - Patient’s name: Parachynrang Shadap, 57 Yrs/M
Address: Mukhap, Mookaiaw, WJ Hills
Admitted on 03-09-2021 in Civil Hospital, Shillong
Expired on 08-09-2021
Cause of death: Severe Covid-19 Pneumonia with comorbidities
Heiyatoh wa i e tika hapoh ka jylla, da dep wow e la 13,86,661 sien heiwa ynne ka sngi da e 8648 sien wa kynthup ya ki HCW 55 ngut, ki FLW 375 ngut, kiwa 18 snem chaneiñ 7135 ngut wa kiwa 45 snem chaneiñ 1083 ngut. Kiwa dang yoh tika ynne kynthup ki leh ya ki 1987 ngut kiwa yoh tika yei sien nyngkong wa 6661 ngut kiwa yoh tika la arsien.
Waroh kiwa da yoh tika chisien da em ki 10,42,748 ngut wa 3,43,913 ngut kiwa da yoh tika la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
