U Lat ka Meghalaya, u Satya Pal Malik ynne ka sngi da saam u ya ki Appreciation Certificates cha kiwa sikai skur kiwa da kreh chitom wow yarap ya ki khynnah wa dooh wa duk kiwa puræ Class-X kiwa da chah ktah ha ka khlam deiwa yarap ya ki wow pynkhreh ki ya ki Board Exam. Ya ka leh burom ya kini kiwa sikai skur da pynman ha Raj Bhavan, Shillong.
Kani ka yalang da pynman da ka Society for Empowerment Education and Development (SEED), ka seiñ kreh monsñiawbha kawa da kreh wow yarap, wow kyrchaan ya kitu kiwa duna hei yoh hei kot, i puræ puthi wa kiwa chah kyntait ha ka imlang sahlang.
Ka SEED yow poi cha ka thong da yarap ko wow e hikai ha kiwa boon ki rukom deiwa em waroh 8 ngut kiwa sikai kiwa da pynlut yei por yong ki dei monsñiawbha wow e sikai ha kiwa boon ki Subject heiwa da pynkup burom ya ki ynne ka sngi.
Hawa e yei klam, u Lat ka jylla, u Satya Pal Malik da yaroh u ya kini kiwa sikai kamjooh ya ka SEED kiwa da sñiawthooh yei chitom wa da maad ki khynnah ha ini i por wa em ka khlam deiwa e yei kyrchaan, i yasyllok, i yahluti yeiwa emkaam ki. Da pynsñiaw leh yei sñiawngooh ya kitu ki khynnah kiwa da dep puræ kiwa da e sñiawbha ya ki kot ki sla yong ki cha ki khynnah wym ye u yoh ya ini, u Lat da yaroh u leh ya ini i ya krehlang deiwa ong wa kiwa sikai toh u budloom ka imlang sahlang, heiwa i kreh yong ki da pynmyntoi ko ya kiwa boon ki khynnah.
Kiwa sikai kiwa da chah pynkup burom toh ka Nagma Sayed, u Kishan Gurung, u Seshkant Remal, ka Paramita Dey, ka Pranita Marak, u Binay Chettri, u Bibhav Gewali wa ka Dr. Anamika Upadhya.