Ynne ka sngi da pynman ya ar tylli ki yalehke kam chibynta yong ka lympung 4th T20 Cricket Knock-Out Tournament wa da pynlai da ka Sports Social and Cultural Club, Ummulong heiwa ha ka yalehke wa nyngkong, ka Evergreen Mukhla CC da jop ko ya ka Young Guns da 5 Wicket.
Ya ka kylla-khlem da jop da ka Evergreen Mukhla wei da jied ko wow bol nyngkong heiwa ka Young Guns da ye ko u kamai 149/10. Neiliang kiwa kawang bol ka Evergreen Mukhla, u Kerborlang Nongrang da yoh u 3 Wicket.
Hawa kdong yaka thong, ka Evergreen Mukhla da jop ko du hapoh ka 17.5 Over, heiwa uwa kamai Run boon dooh toh u Kerborlang Nongrang (48 Run) wa u Shoristar Suna (36 Run), katwa na kiwa kawang bol ka Young Guns, u Salson G Momin da yoh u 3 Wicket. Ya i naam Man of the Match ha kani ka yalehke da yoh u Kerborlang Nongrang.
Ha ka yalehke wa ar won, ka 72 Cricket Club da jop ko ya ka Staunch CT da 100 Run.
Ya ka kylla-khlem da jop da ka 72 Cricket Club wei da jied ko wow Bat chwa deiwa ye ko u kamai 246/5 wei uwa kamai boon Run dooh toh u Khimti Dkhar uwa yoh 114 Run wa u Lakhon Dkhar uwa yoh 30 Run.
Neiliang kiwa kawang bol ka Staunch, u Kyrshan Lyngdoh da yoh u 1 Wicket.
Hawa kdong yaka thong, ka Staunch da yoh ko du 146/10 na ki 18.1 Over heiwa uwa kamai Run boon dooh toh u Kyrshan Lyngdoh uwa da yoh 76 Run wa u Samson Shullai uwa da yoh 31 Run, katwa na kiwa bol ka 72 Cricket Club, u Khimti Dkhar da yoh u 3 Wicket.
Ya i naam Man of the Match ha kani ka yalehke toh u Khimti Dkhar.
Discussion about this post