Ha ka yalehke wa khaddooh yong ka First Round yong ka lympung 4th T20 Cricket Knock-Out Tournament wa da pynlai da ka Sports Social and Cultural Club, Ummulong, ka Laphet CC da jop ko ya ka NPYF 1-Nartiang da 8 Wicket.
Ya ka kylla-khlem da jop da ka NPYF 1-Nartiang wei da jied ko wow Bat nyngkong heiwa da ye ko u kamai 109/9 na ki 20 Over, deiwa kamai Run boon dooh u Chaphrang Laloo uwa da yoh 33 Run wa u Damechwapaya Dhar uwa da yoh 19 Run.
Neiliang kiwa kawang bol ka Laphet, u Sumarlang Lamare da yoh u 3 Wicket.
Hawa kdong ya ka thong, ka Laphet da ye ko u jop suk du hapoh ka 7.4 Over donhi, heiwa uwa kamai Run boon dooh toh u MacDonald Lamare (35 Run) wa u Nihi Shylla (32 Run) katwa na kiwa kawang bol ka NPYF 1-Nartiang, u Vincent Jat wa u Pyrkhat Mi Kyndiah da yoh ki mar 1 Wicket.
Yei naam Man of the Match ha kani ka yalehke da yoh da u Sumarlang Lamare.
Discussion about this post