Ynne ka sngi da pynman ya ar tylli ki yalehke kam chibynta yong ka lympung 4th T20 Cricket Knock-Out Tournament wa da pynlai da ka Sports Social and Cultural Club, Ummulong
Ha ka yalehke wa nyngkong, ka Mowkaiaw CC da jop ko yaka Legends XI CC da 60 Run heiwa ya ka kylla-khlem da jop da ka Mowkaiaw CC wei da jied ko wow Bat nyngkong heiwa da ye ko u kamai 138/7 naki 20 Over, uwa kamai Run boon dooh toh u Kitboklang Lyngdoh 28 Run.
Neiliang kiwa kawang bol ka Legends, u Heisar Bareh wa u Teilang War da yoh ki mar 2 Wicket.
Hawa kdong ya ka thong, ka Legends da poi ko du 78 Run deiwa haap lut ki Wicket waroh, heiwa uwa kamai Run boon dooh toh u Puraki Shadap Passah da yoh u 13 Run, katwa na kiwa kawang bol ka Mowkaiaw u Todanson Rymbai da yoh u 4 Wicket wa u Kitboklang Lyngdoh da yoh u 3 Wicket.
Yei naam Man of the Match ha kani ka yalehke toh u Kitboklang Lyngdoh.
Ha ka yalehke wa ar won ka Rising Star da jop ko ya ka Khlawait da 30 Run heiwa ya ka kylla-khlem da jop da ka Rising Star wei da jied ko wow Bat nyngkong heiwa da ye ko u kamai 154/5 na ki 20 Over, uwa kamai Run boon dooh toh u Heimonlang Lyngdoh 51 Run.
Neiliang kiwa kawang bol ka Khlawait, u Brikstar Kharumnuid da yoh u 2 Wicket.
Hawa kdong yaka thong, ka Khlawait da poi ko du 124 Run deiwa haap lut waroh ki Wicket na ki 19.4 Over, heiwa uwa kamai Run boon dooh toh u Hoksli da yoh u 35 Run, katwa na kiwa kawang bol ka Rising Star, u Salim Sangma da yoh u 5 Wicket, u Heimonlang Lyngdoh da yoh u 1 Wicket.
Yei naam Man of the Match ha kani ka yalehke toh u Heimonlang Lyngdoh.
Mynstep ka sngi ka yalehke u man kp hapyrdi ka Red Devils United pyrchah ya ka Moodymmai CC heipor 9:00 waje i step, ka yalehke wa ar won hapyrdi ka Pitch Invader wa ka Good Wills CC heipor 12:30 chiteiñ sngi.
Discussion about this post