Ynne ka sngi da pynman ya ar tylli ki yalehke kam chibynta yong ka lympung 4th T20 Cricket Knoc-Out Tournament wa da pynlai da ka Sports Social and Cultural Club, Ummulong, West Jaiñtia Hills.
Ha ka yalehke wa nyngkong, ka Poh Hali CC da jop ko ya ka Nangiaikiew CC da 72 Run.
Ya ka kylla-khlem da jop da ka Poh Hali wei da jied ko wow Bat nyngkong heiwa da ye ko u kamai 190/10 naki 18.1 Over, uwa kamai Run boon dooh toh u Marshan Lyngdoh uwa da yoh 43 Run wa u Marshal Pariat 27 Run. Neiliang kiwa kawang bol ka Nangiaikiew, u Bhakupar Kharbuli da yoh u 3 Wicket.
Hawa kdong yaka thong, ka Nangiaikiew dapoi ko du 118 Run deiwa haap lut ki Wicket ko, katwa na kiwa kawang bol ka Poh Hali, u Marshall Pariat da yoh u 3 Wicket katwa u Pura Shadap wa u Mihsalan da yoh ki mar 2 Wicket.
Yei naam Man of the Match ha kani ka yalehke da yoh u Marshan Lyngdoh.
Ha ka yalehke wa ar ka Iong I CC da jop ko ya ka Seiñraij Niamtre Ummulong CC da 4 Wicket.
Ya ka kylla-khlem da jop da ka Seiñraij Niamtre Ummulong CC wei da jied ko wow Bat nyngkong heiwa da ye ko u kamai 135/9 naki 20 Over, uwa kamai Run boon dooh toh u Sharmi Lamare uwa da yoh u 58 Run wa u Nikiru War 22 Run. Neiliang kiwa kawang bol ka Iong I, u Philio War da yoh u 4 Wicket.
Hawa kdong yaka thong, ka Iong I CC da ye ko u jop du hapoh 16 Over donhi,heiwa uwa kamai Run boon dooh toh u Jubanlak Bhoi uwa da yoh u 40 Run, katwa na kiwa kawang bol ka Seiñraij Niamtre Ummulong, u Sharmi Lamare da yoh u 2 Wicket.
Yei naam Man of the Match ha kani ka yalehke toh Philio War.
Ka yalehke mynstep ka sngi u man ko hapyrdi ka NPYF-1 Nartiang CC pyrchah ya ka Loomsoiung CC heipor 12:30 i sngi.
Discussion about this post