4th T20 Cricket Tournament: Jop ka Rising Star CC wa ka Eastside Inn CC

Ynne ka sngi da pynman ya ar tylli ki yalehke kam chibynta yong ka lympung 4th T20 Cricket Knock-Out Tournament wa da pynlai da ka Sports Social and Cultural Club, Ummulong.

Ha ka yalehke wa nyngkong, ka Rising Star da jop ko ya ka Moodymmai da 40 Run. Ya ka kylla-khlem da jop da ka Moodymmai wei da jied ko wow bol nyngkong heiwa ka Rising Star da ye ko u kamai 173/7 na ki 20 Over. Uwa kamai Run boon dooh toh u Heimonlang Lyngdoh uwa da yoh 63 Run wa u Damenroy Nongpluh 36 Run katwa neiliang kiwa kawang bol ka Moodymmai, u Da O Chwa Dkhar da yoh u 3 Wicket.

Hawa kdong yaka thong, ka Moodymmai da ye ko u poi du 133 Run na ki 20 Over wei uwa kamai boon Run dooh toh u Teimi Passah 39 Run katwa na kiwa kawang bol ka Rising Star, u Heimonlang Lyngdoh da yoh u 3 Wicket.

Yei naam Man of the Match ha kani ka yalehke da yoh u Heimonlang Lyngdoh.

Ha ka yalehke wa ar, ka Eastside Inn CC da jop ko ya ka Endeavour CC da 6 Wicket. Ya ka kylla-khlem da jop da ka Endeavour wei da jied ko wow Bat nyngkong heiwa da ye ko kamai 177/5 naki 20 Over. Uwa kamai Run boon dooh toh u Ricky Nongbet uwa da yoh 79 Run wa u J Langmi Bamon 53 Run katwa neiliang kiwa kawang bol ka Eastside Inn, u Loripson Langbang da yoh u 2 Wicket.

Related posts

MSL 5: Psiah Semi ka Nongkseh wa ka Lajong | Dooh noh ka Mawlai

May 22, 2026

MSL 5: Jop ka Shkenshynriah wei rem ka Langsning | Yoh Hat-Trick u Iaishah Bareh

May 21, 2026

Hawa kdong ya ka thong, ka Eastside da ye ko u jop du hapoh 15.3 Over donhi deiwa kamai Run boon dooh u Kenny Wann uwa da yoh u 72 Run, katwa na kiwa kawang bol ka Endeavour u Earnestman Suting da yoh u 2 Wicket.

Ya i naam Man of the Match ha kani ka yalehke da yoh u Kenny Wann.