U Montri Rangbah ka jylla, u Conrad Sangma da ong u wa na ki 12 ngut ki MLA ka Congress kiwa da yut cha ka AITC, 5 ngut da yaklam ki wa kiwi ki Party wow yaleh Election tangwa da kyntait wow khana yei pyrtuid kini.
Da ong u leh wa hanla da jia ini waroh ya ka liang pyrchah, neiliang yong oo ym em kheiñstiñ u wei heiyatoh won wa i lai yakhih ki MLA ka AITC ha Delhi, da ong u wa toh iwa da leh ki du chwa ka Election katwa heipor wa em ki ha ka sorkar ym em leh ki iyi iyi leh.
Hajrong i dawa ka AITC wow pyndam noh ya ka soskular pynbait pood waka Assam, u Conrad da ong u wa waroh ki Map wa da pynemkaam toh kiwa da leh heipor u Dr. Mukul Sangma tangwa katni won da ong u wa toh u pyndam yeini toh du wow leh Politics donhi wei ym toh u chim kabu u yeini wei toh u pyrkhat ya kitu kiwa em ha khappood.
