July 29, 2022
Advertisement
Du kajiak minit wa poor ka khubor wa khlaad noh u MLA uwa man leh u Montri warim ka jylla, u Robert Garnett Lyngdoh, i sñiawlem da tooid i na kylleiñ, wei neiliang u Symbood Montri Rangbah ka jylla, u Prestone Tynsong leh da lai pyntngen u ya ka yung ha Nongrim Hills Shillong.
U Prestone da ong u wa man i dooh wa khroo ya ka jylla, neibhah u RG Lyngdoh toh u bru uwa da chakri deiwa hok ya ki paidbah kam uwa mihkhmat.
Chooh chooh da ong u wa ha ka 18 tarik uni u bnai heiwa chirup wa u Montri Rangbah wa oo, da lai pait ki ya u Bah Robert, wei kam uwa yahkhmat dang pynsñiaw u yei sñiawkhia wei khuslai u heiyatoh wa ka jylla wei da i khmat soohrkhai da e yumut u leh ya ka sorkar heiyatoh wa kiwa boon ki kaam.
Neiliang u Prestone da ong u wa kam u Bah RG Lyngdoh ñiar wow yoh neibhah wa man u chisur bait ryngkat i thij i pyrkhat wa khood iwa toh u leh khlem tieñ næ artatien.
Da ong u wa u Bah RG Lyngdoh toh u bru uwa paaw wei uwa da tipmit da waroh, wei ini i dooh ymtoh de du ya ka jylla Meghalaya, tangwa ya ka thaaiñ mihsngi hi waroh kawi.
