Uwi u bru uwa dung bru da chah rai pynrem u ha ka yung bichaar kawa da phah kset oo 5 snem deiwa pynchitom bha deilang ka kuna kawa Rs. 20,000.
I chah dung toh iwa da jia ha ka 24-03-23 heiwa uwi u bru wa tip kam u Stephan Khongtim da dung u ya uwi u bru ha kpoh wei ya ka FIR da booh ha ka 21-03-23 ha Sohra Police Station da uwa chah dung.
Yei takit da pynman da u SI Habanjop Khonglah uwa em kattæ hapoh ka Mawsynrut PS, West Khasi Hills.
Ya ka Charge Sheet da booh ha ka 28-04-23 deiwa pynngat ya u Stephan Khongtim hapoh ka Section 307/326 ka IPC.
Hadien wa dep u chong bichaar, da pynmih hukum da ka yung bichaar ka B. Laitmon, Addl. DC (Judicial), East Khasi Hills, Shillong ha ka 29-07-26 yow rai pynrem ya u Stephan Khongtim hapoh ka Section 307/206 ka IPC deiwa phah kset oo 5 snem deilang ka kuna wa Rs. 20,000 wei lada ym su ya kani daw hap chong patok u sa chi bnai.
U Khongtim toh uwa dadep chong kset patok la 2 snem, 5 bnai wa 16 sngi, kamtæ daw hap u wow chong patok sa 2 snem, chi bnai wa 20 sngi.
Discussion about this post