15 49.0138 8.38624 1 0 4000 1 https://wyrta.com 300 0

5 tarik ka yalang kiwa sikai SSA wa 4th Teachers ha Jowai

0 Comments

Jowai: Kiwa sikai SSA wa 4th Teachers kiwa em hapoh ka lama yong ka Meghalaya SSA School Association (MSSASA) Jaiñtia Hills District Unit kawa kynthup ya ka East Jaiñtia Hills District wa West Jaiñtia Hills District u man ko ha ka 5 tarik uni u bnai hapoh Yungwalieh Hall Panaliar Jowai heipor 10 waje i step.

Ha ka khubor wa da phah da u Kyllimot Lhuid General Secretary MSSASA Jaiñtia Hills District Unit da pyntip wa ha kani ka yalang daw puræ ya ka bui (report) krehkaam yong u snem 2015 wa 2016 kamjooh leh wow pynkha ya ar tylli ki Unit thymme kawi ka MSSASA East Jaiñtia Hills District katwa kawi won ka MSSASA West Jaiñtia Hills District Unit khnang wow pynsuk ya kiwa sikai SSA wa 4th Teachers hapoh kini ar tylli ki District.

Advertisement ad1

Daw yaklam leh yei pynslem ka Sorkar Jylla wow phah hikai pynliah (Diploma in Elementary Education) ya kiwa sikai SSA wa 4th Teachers katkam ki kyndon yong ka RTE Act, 2009 wa NCTE wa kiwi kiwi ki kaam.

Ha kani ka sngi kiwa yahkhmat ka seiñbei nadooh u President, u Aristotle C Rymbai wa u General Secretary u H.M.Marbaniang wa ki dkhot ka Central Executive Members (CEC) u emlang ki ha kani ka sngi.

Kamtæ da khut ya waroh kiwa sikai SSA wa 4th Teachers kiwa haap hapoh u pood u ang ka East Jaiñtia Hills wa West Jaiñtia Hills  wow wan khnang cha kani ka yalang.

 

0 Comments

Leave a Reply