theme-sticky-logo-alt
theme-logo-alt
Advertisement ad1
Advertisement ad1

50 lak tylli ki LED Bulb da saam ha ki 5 tylli ki jylla hapoh ka Gram Ujala

Ka Convergence Energy Services Limited (CESL), kawa em hapoh ka Energy Efficiency Services Limited (EESL) ka Ministry of Power ka ri India da ye ko wow poi ha u moomær wow saam 50 lak tylli ki LED Bulb hapoh ka thong ka Gram Ujala.

Ka Gram Ujala Scheme toh kawa da pynkrehkaam ha ki yung wa em cha palatsor ki jylla ka Bihar, Uttar Pradesh, Andhra Pradesh, Karnataka wa Telangana.

Hapoh i yahkhmat u Montri ka Power wa New & Renewable Energy u R. K. Singh, ka CESL da sdang ko wow pynche ya ki chnong nadooh u Wisu (Mar) uni u snem. Ha ka National Energy Conservation Day 2021 ha uni u bnai, ka CESL da ye ko wow saam hadooh 10 lak tylli ki Bulb ha ka chi sngi.

Ka CESL da e ko da kiwa miat ki 7-Watt wa 12-Watt LED Bulb kiwa em ya ka Guarantee wa 3 snem hei dor wa T. 10 uwi u Bulb lada pynuiñ ya ki Incandescent Bulb namo ki jait Bulb yongrim. Kawi kawi ka manyung ye ko wow kylliang 5 tylli ki Bulb. Wei da ini da yei wow pynduna yei pynemkaam bordiñ da 71,99,68,373.28 Unit chi snem iwa mut da lait wow lut T. 250 klur chi snem ha ki thaaiñ palatsor ha kini ki jylla. Kani ka Scheme toh kawa krehkaam hadooh 31-03-22.

Ka Convergence Energy Services Limited (CESL) toh ka chnat ka Energy Efficiency Services Limited, ka Company ka sorkar deiwa ya krehlang ki Company sorkar ka Ministry of Power, ka sorkar India. Ka CESL toh kawa kreh yoh pynyoh ya i bordiñ wa khooid wa iwa biang.

Share this:
Previous

Da ki kymmor saam u MLA ka Jowai cha ki manyung ka Mihmyntdu

Next

I kyntu ka Saphai Pyllun ya ki bru wa wanke sñiawbha ha Wah Kupli