U Montri Rangbah ka Meghalaya, u Conrad K. Sangma ynne da chimbynta u ha ka 5th India Japan Intellectual Conclave ha Guwahati heiwa da ong u wa ka jylla da leh ko chiboon yow ya krehlang waka ri Japan.
Da khana u wa ka Meghalaya toh kawa em boon kiwa dang khynroo wei dadep phah leh ki Nurse wow lai kreh cha Japan heiwa kattæ da em 50 ngut wei da em sa 500 ngut kiwa dang pynkhreh yow tip yei ktien Japanese. Wei yooluti u wa kini daw poi ki hadooh 3,000 ngut wei ye u poi hadooh 5,000 ngut ha ki 4-5 snem wow wan.
Chooh chooh da ong u wa ym du kiwa kreh kam ki Nurse tangwa da pait leh ya kiwi ki laad kreh neidaw ha Meghalaya 45% kiwa chong chnong toh kiwa em hapoh 19 snem wei ki laad wa dang pait toh nadooh ki kaam rep heiwa da ya krehlang leh waka Yats Corporation Company Ltd neibynta wow pynyoh ki kor yow rep ya u tit wa tip kam u Shiitake.
U Conrad da yachem wei da yaklam u leh wa u Ono Keiichi uwa man kam u Ambassador Extraordinary and Plenipotentiary ka Japan cha India wa cha ka Kingdom of Bhutan.
Da yaklam leh kammon wow pynkhlan yei ya krehlang hapyrdi ka Japan wa Meghalaya deiwa pteiñ u pynbiang bru khamtam ha ki kaam wa yatoh wa i chait i khiah ha Japan.
U Montri Rangbah da e nongmuna u leh ya ka yingkieñ kawa na Phulbari cha Dhubri kam kawi na ki myntoi wa yoh manda ya krehlang najrong kiwi ki sarok wa da chna ha Northeast deilang ki sarok khappood ha Bangladesh iwa da pynmyntoi bha.
Discussion about this post