I yakhih ki khynroo næ ki Gen Z ha Nepal ha ki sngi wa dadep da wanrah i yei yap ki 51 ngut ki bru wei da em 12,500 ngut ki koidi kiwa da yut na patok wei wer pa wer da ye wow wanrah biang yei chongsuk ha Kathmandu.
Ki thanat namo ki Police Station wa da chah tympra leh da sdang wai ya ki deiwa wan biang ki pulit cha sarok.
Kiwa yahkhmat ka Gen Z da sdang kyrchaan ki ya ka Chief Justice warim, ka Sushila Karki wow man kam ka Interim Prime Minister.
U President ka ri, u Ram Chandra Poudel da khut u ya ka yalang ynnin i miet wa ki heh ka ri kamjooh ki muktiar wa u Chief of Army Staff u Gen. Ashok Sigdel wow pyrkhat kammon wow lai chaphrang.
Ka Shushila Karki toh kawa da pyndep yei puræ na Banaras Hindu University wei da ong ko wa ki nong Indian wa nong Nepal ymtoh yabi ki na ka sorkar tangwa em leh i maya hapyrdi ki ar liang wei burom bha ki ya u PM Narendra Modi.
Chooh chooh da ong ko wa ki nong India man ki kam ki payu yong ka wei sñiawkhia ko wa kammon u ye u wanrah biang yei chongsuk hapoh ka Nepal.
Discussion about this post