Kiwa yoh COVID-19 ha Meghalaya da neh ki hapoh 100 ngut la soo sngi, kiwa chait da boon ki ya kiwa dang yoh la 16 sngi katwa kiwa yap da pteiñ ki wow em la 27 sngi khlem sangeh.
Kiwa dang yoh ynne ka 15 tarik da em ki 55 ngut, kiwa chait 160 ngut wa 2 ngut kiwa yap kiwa ha East Khasi Hills (01) wa ha West Garo Hills (01).
Na kiwa dang yoh kiwa boon dooh toh ha East Khasi Hills (24) wa ha West Garo Hills (14) katwa ha kiwi ki District da em ki hapoh 10 ngut heiwa ha East Jaiñtia Hills wa ha South West Garo Hills ym em kiwa dang yoh.
Na kiwa dang chait kiwa boon dooh toh ha East Khasi Hills (66), West Garo Hills (30), West Jaiñtia Hills (19) wa ha Ri-Bhoi (12).
I rukom em kiwa dang chah ktah ha ki District man i kamni:
East Khasi Hills (229), West Garo Hills (98), Ri-Bhoi (82), West Jaiñtia Hills (70), North Garo Hills (24), Eastern West Khasi Hills (21), West Khasi Hills (19), South West Garo Hills (16), East Jaiñtia Hills (16), East Garo Hills (16), South West Khasi Hills (11) wa ha South Garo Hills (7).
Waroh kiwa da chait da em ki 97.66% kiwa em 90,897 ngut, kiwa dang chah ktah 0.65% kiwa em 609 ngut, kiwa yap 1.67% kiwa em 1565 ngut, deilang dapoi 93,071 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
