6 snem phah kset ka yung bichaar ya uwa mut wow pynyap ya u khynnah deiwa ah rdang

U bru uwa mut wow pynyap ya uwi u khynnah deiwa ah oo na rdang da chah phah kset u 6 snem ha ka yung bichaar ka D.R. Kharbteng, District and Session Judge, East Khasi Hills, Shillong.

Ini man ko katkam ka FIR wa da yoh ha ka 22-08-22 ha Bholaganj POP pyrchah ya u Deepak Debnath wa da mut u wow pynyap ya uwi u khynnah deiwa ah ya u rdang u da ka tari wa nep.

ADVERTISEMENT

Ya ka Case da booh hapoh ka Shella Police Station da ka Case No. 24(08)2022 hapoh ki kyndon 307/326 IPC.

Hawa pynman yei takit da lai kem leh ya u Deepak Debnath heiwa u Investigation Officer da booh u ya ka Charge Sheet ha ka 10-02-23 hapoh ki kyndon 302/326 ka IPC.

Related posts

Em ki yung wym em wa sah ha Jowai tangwa ka bai bordiñ heh bait ko: PSM

October 24, 2026

Pdiang dkhot thymme chooh chooh ka NPP hapoh ka Jowai Constituency

October 24, 2026

Kamtæ ka yung bichaar ha ka 7 tarik uni u bnai da rai pynrem ko ya u Deepak Debnath deiwa phah kset oo 6 snem deilang ka kuna wa Rs. 10,000 hapoh ka kyndon 304 Part II ka IPC wei lada ym su ya kani ka kuna daw hap chong patok sa chi bnai.

Ya ini wa jia da takit da u UBSI R. Ranee uwa em katni ha Mawdiangdiang OP Shillong.