theme-sticky-logo-alt
theme-logo-alt
Advertisement ad1
Advertisement ad1

6 sngi u wai ki dukan ha Shillong, 4 sngi ha thaw palat sor ka East Khasi Hills

Advertisement ad1
Advertisement ad1

Ka DC ka East Khasi Hills District da pynmih hukum ko ynne ka sngi yow pynbna yei rukom wai dukan hapoh ka sor Shillong wa ki thaw wa cha palatsor iwa nadooh ka 28-06-21 hadooh ka 03-06-21 hapoh waroh kawi ka District.

Ki thaw wa em ha sor:

Neibynta ki thaw wa em ha sor Shillong wa ki thaw khapsor da chah wow wai Monday hadooh Saturday kiwa dai ya ki marbaam wa emkaam kiwa man kamni ha wah:

Ki dukan wym toh kiwa dai marbaam u chah u wai ki hadooh 3 sngi chi tayaw iwa daw pynbait da ki Incident Commander deiwa ya krehlang wa ki CCMT.

Ym pu chah wow wai ki thaw ah sñiooh, ki Cyber Café, ki Cinema, ki Gym wa ki thaw dai tim.

Ya ka Iewduh daw pynmih da kawi hi ka hukum yei rukom wai ko.

Ki Restaurant ye ki wow wai deiwa song baam ym toh deiwa chong baam, kamjooh ki dukan wa dai baam dih-cha ha ki sngi wa chah u wai.

Ki thaw wa em cha palatsor:

Ki dukan wa dai marbaam wa kiwi ki jait dukan u chah u wai ki hadooh 4 sngi chi tayaw deiwa pynbait ki SDO(C) wa ki BDO deiwa ya krehlang wa ki CCMT.

Ki dukan dai cha u chah u wai ki tangwa ym chah wow chong baam ki bru.

Hap leh wow pynyoo yeiwa da dep namo ym em dep chim yei tika.

Neibynta ki Shopping Mall:

Ki Shopping Mall wa ki Complex kiwa em hapoh 20 tylli ki dukan kiwa haap hapoh ka Zone-III (Sadar PS Area) kiwa dai ya ki marbaam wa kiwi ki jati mar u wai ki 9:00 waje i step hadooh 3:00 waje i sngi kamjooh leh ki dukan wa em samen kiwa ym em yabi wa kiwi ki dukan (Standalone Shop) u wai ki kamni ha wah:

Ki thaw wa em palat 20 tylli ki dukan u wai ki du 30% iwa daw pynbait da ki Mall/Market Committee/Association.

Kiwa chongdai madan wa kiwa tyrwa mar u chong ki ha ki thaw wa da booh da ki Incident Commander, Zone-III (Sadar PS) katkam wa da dep pynbait wei hap ki leh wow pynyoo wa lada da dep ki namo ym pu em dep yoh ki ya i tika.

Share this:
Previous

Da pynlait ya i sur rwai ‘Kseiñ Bam Pyut’

Next

Da ki Drone chah noh bomb ka Jammu Air Force Station