Ka lympung yalehke Kickboxing wa tip kam ka WAKO India Senior National Kickboxing Championship 2021 da man ko kawa tyrchaaiñ ya ka jylla Meghalaya heiwa da yoh ko hadooh 6 tylli ki takma ha kani ka lympung.
Kani ka lympung toh kawa da pynman ha Dayanand Bandodkar Stadium, Mapusa, Goa nadooh ka 26 hadooh ka 29 tarik uni u bnai.
Ki khloor yalehle Kickboxing wa da yoh takma ha kani ka lympung na ka Meghalaya State Kickboxing man ki kamni hawah:
U Hame Shaniah Suiam ha ka Senior Men Point Fighting -57 Kg heiwa da yoh u ya ka takma ksiar kamjooh leh ya ka takma rupa ha ka Senior Men Point Figting-63 Kg.
Ka Nisanshwa Lyngdoh da yoh ko ya ka takma tama ha ka Senior Women K1-48 Kg.
U Bantei Sungoh da yoh u ya ka takma tama ha ka Senior Men Low Kick-60 Kg.
U Arthur Cornelli N K da yoh u ya ka takma tama ha ka Senior Men K1-75 Kg.
U Pynnehbor Mylliemngap da yoh u ya ka takma tama ha ka Senior Men Musical Form Hard Style.
Ya kani ka lympung da pynman leh deiwa yoh yei tipmit na ka Ministry of Youth Affairs & Sports ka sorkar India waka SAI.
Kiwa chah jied daw yoh ki leh wow lai chimbynta ha ka 6th Asian Indoor & Martial Arts Games ha Thailand kawa daw pynman nadooh ka 10-20 tarik Wisu (Mar), 2022.
