Ka yung krehkaam u DHS ka jylla Meghalaya da pyntip ko wa hadooh ynne i step ka 16 tarik, kiwa dang yoh COVID-19 ha Meghalaya da em ki 63 ngut katwa kiwa chait da em ki 60 ngut.
Na kiwa dang yoh thymme, kiwa boon dooh toh na West Garo Hills kiwa em 48 ngut (BSF-39 wa ki bru paidbah 9 ngut). Neiliang u DC ka West Garo da pyntip u wa 9 ngut ki bru paidbah da chem deiwa leh yaka Contact Tracing wa da ka Test paidbah (Random Sampling) haka thaaiñ Tikrikilla kawa da pynman leh kam ka Containment Area.
Kiwi kiwa dang yoh toh 9 ngut ki bru paidbah da Ri Bhoi wa 6 ngut won ha East Khasi Hills.
Na kiwa dang chait won, kiwa boon toh ha East Khasi Hills 56 ngut kiwa kynthup ya 52 ngut ki bru paidbah, BSF-1 wa 3 ngut na kiwi ki chnat paidah. Ha Ri Bhoi da em 3 ngut ki bru paidbah kiwa chait wa ha West Jaiñtia Hills 1 bru paidbah.
Kiwa dang em ya u COVID-19 ha ki District man ki kamni ha wah:
East Khasi Hills-388 (bru paidbah-233, BSF-86, na kiwi ki chnat chipai-69)
West Khasi Hills-3
South West Khasi Hills-1
Ri Bhoi-95
West Jaiñtia Hills-5
East Jaiñtia Hills-5
West Garo Hills-183
South West Garo Hills-3
South Garo Hills-2
East Garo Hills-0
North Garo Hills-8
Waroh kiwa dang em ya u COVID-19 da em ki 693 ngut (ynnin 690), kiwa chait 655 ngut (ynnin 596) wa 6 ngut kiwa yap iwa da poi 1,354 ngut kiwa da dep yoh COVID-19 ha Meghalaya.