Kiwa dang yoh COVID-19 hadooh 4 waje ynne i janmiet ka 15 tarik da em ki 64 ngut kiwa ha East Khasi, North Garo, Ri Bhoi wa West Garo katwa kiwa chait da em ki 15 ngut, katkam ka kyrwoh khubor naka yung krehkaam u DHS, Meghalaya.
Na ki 64 ngut kiwa dang yoh thymme kiwa boon dooh toh ha West Garo Hills kiwa em 34 ngut (26 ngut ki bru paidbah wa 8 ngut ki BSF). Ha East Khasi Hills kiwa dang yoh da em ki 19 ngut (ki bru paidbah 16 ngut, ki BSF 2 ngut wa 1 na kiwi ki chnat chipai). Ha Ri Bhoi kiwa dang yoh toh 9 ngut ki bru paidbah katwa ha North Garo Hills toh 2 ngut ki CRPF.
Na ki 15 ngut kiwa chait, kiwa boon dooh toh ha West Jaiñtia Hills kiwa em 10 ngut ki bru paidbah, Ri Bhoi 3 ngut (2 ngut ki bru paidbah wa 1 chipai), West Garo Hills 1 u BSF wa 1 bru paidbah ha South Garo Hills.
Kiwa dang em COVID-19 ha ki District man ki kamni ha wah:
East Khasi Hills-438 (bru paidbah-279, BSF-87, kiwi ki chnat chipai-72)
West Khasi Hills-3
South West Khasi Hills-1
Ri Bhoi-89
West Jaiñtia Hills-6
East Jaiñtia Hills-5
West Garo Hills-135
South West Garo Hills-3
South Garo Hills-2
East Garo Hills-0
North Garo Hills-8
Waroh kiwa dang em ya uni u khñiang da em ki 690 ngut, kiwa chait 596 ngut wa 6 ngut kiwa yap iwa da poi 1,292 ngut kiwa da dep yoh COVID-19 ha Meghalaya.
