Shillong: Neidaw wa em wa yoh COVID-19 kamjooh wa em kiwa em hei maa u yoh COVID-19 (High Risk Contacts) ha ki yung wa em ha Nongsohphoh Upper Mawprem, kamtæ da emkaam wow leh yaka Contact Tracing, Quarantine, Testing kamjooh yow khangkset ya ini i thaw yow lait ki bru wow psiah u mih khlem da yoh bor.
Yow yada yaki paidbah nei poor u khñiang COVID-19, ka District Magistrate, East Khasi Hills District, da pynmih hukum ko ynne ka 15 tatik yow pynbna ya i Thiang Compound, Raj Compound wa Hari Compound ha Nongsohphoh, Upper Mawprem kam ki Containment Area nadooh ka 15th August, 2020.
Kani ka hukum da khang ko yaki bru paidbah wow psiah u mih chapoh kini ki thaw, kiwa em hapoh kani ka thaw ym toh wow mih ki cha lait wei wow neh bait ki hapoh yung.
Da khang leh wow pynman yaki yalang paidbah, u wai yaki dukan kamjooh ki yung krehkaam sorkar wa ki yong ki bru samen.
Kani ka hukum ym em khang ko ya ki wakreh haka chnat i chait i khiah, ki wakreh ka Shillong Municipal Board, ki wakreh laad pathai khubor, ki Petrol Pump wa kiwa li booh kum LPG.
Ya kiwa leh pyrchah yaka hukum daw pynchitom katkam ka aiñ Disaster Management Act, 2005 wa IPC.