Kiwa dang yoh thymme ya u COVID-19 ha Meghalaya ynne ka 13 tarik da em ki 67 ngut, kiwa dang chiat 133 ngut wa sa 4 ngut kiwa dang yap.
U Director of Health Services (MI), u Dr. Aman War da pyntip u wa kiwa dang yap toh ka Indu Dev Sahni (40 snem) kawa na Jhalupara, Beat House kawa da chem chitom wow riñ mynsien wei kat wow poi ko ha Nazareth Hospital heipor 11:20 ynnin i miet da khlaad chwa. Da Test wei da chem toh kawa yoh ya uni u khñiang.
U Dr. War da pyntip u leh wa ka Iohhun Khongkrom (18 snem) kawa na Pynursla, da kit ya ka cha North Eastern Indira Gandhi Regional Institute of Health and Medical Sciences (NEIGRIHMS) haka 11 tarik uni u bnai na Ganesh Das Hospital kawa da sumaar yaka nadooh ka 28 tarik u Naikhynde hadooh ka 10 tarik u Naichiphaw ha kani ka Hospital.
“Heipor wa em ko ha Ganesh Das Hospital da Test yaka wei ym em chem wa yoh ko ya u COVID-19 deiwa leh daka Rapid Antigen Test. Ha NEIGRIHMS won da chem wa yoh ko ya uni u khñiang deiwa leh da ka CBNAAT,” da ong u DHS.
Da khlaad ko haka 12 tarik uni u bnai heipor kamwa 2:05 i sngi na ka Septic Shock wa Severe Sepsis, kawa em leh yei chitom ha u Kidney.
Ka Ginalin Kurkalang (33 snem) kawa na 5th Mile da li booh cha Dr. H. Gordon Robert Hospital haka 12 tarik uni u bnai hadien wa chitom ko wow riñ mynsien wei da khlaad ko ynne ka 13 tarik heipor kamwa 6:45 i step.
“I daw wa khlaad toh na u COVID-19 deilang wa ka Acute Respiratory Distress Syndrome, Acute Renal Failure wei toh leh kawa em ya ka Diabetes Mellitus Type I,” da pyntip u Dr. War.
U Morning Niangti (80) uwa na Qualapatty da pynkit cha ka Dr. H. Gordon Robert Hospital haka 9 tarik uni u bnai wei da khlaad u ynne ka 13 tarik heipor 3:10 i sngi.
Uni leh toh uwa yoh COVID-19 Pneumonia deilang waka Acute Respiratory Distress Syndrome wei uwa em yaka Diabetes Mellitus Type II.
Na kiwa dang yoh thymme da em ha East Khasi Hills 45 ngut, ha West Garo Hills 10, Ri-Bhoi 5, North Garo Hills 2, South Garo Hills 2, East Jaiñtia Hills 1, South West Garo Hills 1 wa ha West Jaiñtia Hills 1.
Na kiwa dang chait ha East Khasi Hills da em 95 ngut, West Garo Hills 19, East Jaiñtia Hills 11, Ri-Bhoi 3, East Garo Hills 2, South West Garo Hills 2 wa ha West Jaiñtia Hills 1.
Kiwa dang em ya uni u khñiang ha ki District man ki kamni ha wah:
East Khasi Hills- 1649 (chipai 35, paidbah 1614)
West Khasi Hills-6
South West Khasi Hills-25
Ri Bhoi-327 (chipai-49, paidbah-278)
West Jaiñtia Hills-80
East Jaiñtia Hills-12
West Garo Hills-169 (chipai-35, paidbah-134)
South West Garo Hills-22
South Garo Hills- 37 (chipai-1, paidbah-36)
East Garo Hills-18
North Garo Hills-22
Waroh kiwa dang em ya uni u khñiang da em ki 2367 ngut, kiwa da chait 5406 ngut wa 68 ngut kiwa yap.
Ki nongmuna kiwa da depTest da em ki 176348 tylli heiwa na kini kiwa ym em chah ktah da em ki 168500 tylli, katwa kiwa da psiah chapoh ka jylla da em ki 47663 ngut.
