Shillong: U Montri kaam poh yung ka jylla, u Lahkmen Rymbui da ong u wa ka aiñ daw leh ko ya iwa emkaam ya kitu kiwa emkti wow chim ya ka aiñ ha kti yong ki du na i daw wa suba toh uwa e ksuid ya uwi u rangbah ha ka chnong Nongdisong, West Khasi Hills District.
Kam wow pynkynmoo wa ha ka 7 tarik uni u bnai, da pynbaad wa ki pyrsa tre da tlep im ya u ma yong ki u Paieid Moris deiwa pynbaad wa toh uwa e ksuid wei ini da paaw pyrthai hadien wa thooh ka chnong wei ha i takit wa da pynman da ki pulit wa ki khon pyrsa yong u Moris na ka chnong Nongdisong da phla ki wa da pynyap deiwa tlep im ya oo ha iwi i thaw wa tip kam i ‘Pordidoh’ kawa haap hapoh ka chnong Nongdisong.
U Lahkmen ynne ka sngi da beiñ joor u ya ini i jia, deiwa ong wa kam ini i jia da jia ha i por wa da dep leh wei neiliang ka sorkar da pynsñiawthooh paidbah ko leh wa ym toh wow chim yaka aiñ ha idæ du neidaw wa suba sih, neidaw wa em ka aiñ lada sñiaw wa em iyi iyi wa sih wei toh u pyntip cha ki pulit.
