Ka chnat Health & Family Welfare Department ka sorkar Meghalaya da pynmih ko ya ki kyndon thymme ynne ka sngi heiyatoh wa kitu kiwa liwan na baar jylla chapoh ka jylla wei kini ki kyndon toh neibynta wow leh ya ki Test, Quarantine heiyatoh wa ki wakreh sorkar kiwa liwan cha ka jylla, ki wakreh hei chait i khiah kiwa toh wa u COVID-19 ha ki Hospital/Unit wa kiwi kiwa da e bor ka sorkar hadien 7 sngi wa leh Quarantine ki wei ym em yoh ki ya ki dak ki chin wa chitom ki.
A. Ya ki wakreh sorkar kiwa liwan chapoh ka jylla: Ki wakreh sorkar kiwa ym em ki dak ki chin chitom (Asymptomatic) ye ki wow paan bor wow pynlait noh ki hadien 7 sngi lada:
- Da dep leh ki yaka Rapid Antigen Test heipor wa poi ki wei da Register ki wow leh yaka RTPCR Test hapyrdi ka sngi wa 5 wa kawa 6.
- Hap pynbiang ki yaka yong ki hi ka kari yow lai leh Test.
- Hap su hi ki yaka bai Test katkam ki dor wa da booh daka sorkar wei ye ki wow paan biang yaka bai Test lada toh iwa chah. Tangwa ki wakreh sorkar kiwa em Duty ym emkaam ki wow su yaka bai Test ha ki thaw leh Test ka sorkar.
- Lada ka Result yong ki man ko Negative, ye ki wow pteiñ ya ki kaam yong ki deiwa bood ya ki kyndon (Health Protocols).
- Yow pynsakhiat yaka Test wa man Negative ko, hap ki wow rah lang yaka Result wa ki yow pynyoo wa kiwa toh u pait ya ini kut wa emkaam.
- Lada ka Test man ko Positive, da hap ki wow leh yaka chongkset samen 10 sngi katkam ki kyndon wa da pynmih haka Health.100/2020/63 dated 21.08.2020.
B. Ya ki wakreh kam ki Health Care Workers du neibynta u COVID-19 ha ki Hospital/Unit kiwa emkaam wow leh Quarantine wa ya kitu kiwa da yoh bor naka sorkar:
- Daw Test ya ki haka sngi nyngkong daka Rapid Antigen Test.
- Lada ka Test man ko Negative wei ym em ki ya ki dak ki chin wa chitom, hap ki wow leh Quarantine 7 sngi.
- Daw hap ki wow leh yaka RT-PCR Testing hapyrdi ka sngi wa 5 waka sngi wa 6.
- Ki Health Care Worker ym emkaam ki wow su yaka bai Test.
- Lada ka Result man ko Negative, ye ki wow pteiñ ya ki kaam yong ki deiwa bood ya ki kyndon (Health Protocols).
- Yow pynsakhiat wa ka Test man Negative ko, toh u wow rah lang yaka Result yow pynyoo wa kiwa toh u pait ya kani ka kaam.
- Lada man ka Test Positive, daw hap ki wow leh yaka chonkset samen wa 10 sngi katkam ka Health.100/2020/63 dated 21.08.2020.
Katwa ya kitu ki bru samen kiwa ym toh ki wakreh sorkar tangwa da yoh bor da ka sorkar, daw hap ki wow leh yaka Quarantine wa 7 sngi wei daw hap ki wow su yaka bai Tes katkam ki dor wa da booh daka sorkar.
Ya ki kyndon hap wow bood thij hadooh wa pynmih hukum da kamwi.
Ka kyrwoh na u Sampath Kumar, IAS) Commissioner & Secretary ka sorkar Meghalaya
Health &Family Welfare Department.
