U Montri ka chnat Food and Civil Supplies, u Comingone Ymbon ynne da ong u wa kamwa 70,000 tylli ki Card Ration kiwa da yaleh ki bru da sahkut khlem da ye u e ki neidaw wym ye ka sorkar India wow pyndep ya ka Census.
Da ong u wa ini waroh da sahkut i nadooh i por ka khlam COVID-19 heiwa da hap wow pynsangeh ya ka Census da ka sorkar India.
Da ong u wa neiliang ka sorkar jylla daw ye ko wow pynkhooid ya waroh ki Card Ration kiwa dang sah du hadien wa pyndep ya ka Census wei dadep u leh wow yaklam waka sorkar pyrdi yow pyndep smat yeini.
Da pynche u wa khlem da dep u pynthymme yei kheiñ katwon ngut em kiwa chong chnong, ka sorkar pyrdi ym ye ko wow yoh yukheiñ thymme katwon u booh bhah ya u khoo wa kiwi ki mar wei ini i daw man ko wa ka sorkar da hap ko wow bood katkam wa kheiñ dei warim.
Ka Census toh kawa da booh thong wow pyndep ha u 2021 kawa jooh leh man ka 10 snem heiwa iwa khaddooh toh ha u snem 2011.
Discussion about this post