theme-sticky-logo-alt
theme-logo-alt
Advertisement ad1

76,649 sien da e tika yada COVID-19 ha Meghalaya ha kani ka tayaw

Ha kani ka tayaw itæ nadooh ka 12 tarik hadooh ynne ka 18 tarik hapoh ka jylla Meghalaya, da e tika 76,649 sien iwa da pynku ya kiwa da yoh tika cha ka 38.39% iwa dapoi 8,97,621 sien wa kynthup ya ki 7,77,736 ngut kiwa da yoh chisien wa 1,19,885 ngut.

Ha kani ka tayaw da e tika boon dooh ha ka 15 tarik deiwa e 15,190 sien wei iwa duna dooh toh ynne ka 18 tarik heiwa da e 135 sien.

Deiwa kheiñ kyllum lang, ha kani ka tayaw da e 10,949 sien chi sngi iwa duna bha na i thong ka sorkar wow e hadooh 20,000-25,000 sien chi sngi.

Ka sorkar da booh thong ko wow e tika ya ki 20,25,583 ngut hapoh ka jylla heiwa ka District wa da boon dooh kiwa yoh tika toh ka East Khasi Hills (44.93%) katwa kawa duna dooh toh ha North Garo Hills (23.72%).

Share this:
Previous

Ujor ka MGSPHSVA cha u CS yow dawa yei thaw yow chongdai

Next

Sah sa 592 ngut kiwa dang chah ktah ha Delhi, 51 ngut kiwa dang yoh