U Health Director General-Cum-Secretary ka Sikkim u Dr. Pempa T. Bhutia, ynnin i miet da pyntip u wa da em 8 ngut kiwa da pyntikna wa yoh COVID-19 kiwa da em chwa hapoh Quarantine wei da kit noh yaki cha ki Isolation Ward.
Da pyntip u wa 4 ngut na kini toh kiwa yachem pateiñ wa kawi kawa yoh COVID-19 kawa chah sumaar katni ha STNM Hospital.
Na kini, 3 ngut toh kiwa em yatoh wa kani ka bru wa kynthup leh ya u khynnah wa 5 snem wa kawi ka bru wa 30 snem. Kini da kit yaki cha ka Isolation Ward ka STNM Hospital.
Sa 4 ngut toh kiwa na South District kiwa em ha i thaw leh Quarantine ka sorkar. Na kini, 3 ngut toh kiwa liwan yung na Kisangunj, Bihar haka 13 tarik uni u bnai kiwa em 15 snem, 35 snem wa 36 snem.
Sa uwi toh u chynrang uwa 26 snem uwa liwan na Siliguri haka 12 tarik.
Wa kini, waroh kiwa yoh COVID-19 ha Sikkim da em ki 78 ngut heiwa da chait 25 ngut wei kiwa dang em ya uni u khñiang da em ki 53 ngut.