Jowai: Ha ka WAKO India Kickboxing Federation Cup 2017-18 wa pynman ha Talkatora Indoor Stadium, New Delhi nadooh ka 16 tarik uni u bnai ka wow kut ha ka 20 tarik, ki Kickboxer ka Meghalaya State Kickboxing Association (MSKA) da yoh ki 3 tylli ki takma Ksiar, 1 takma Rupa wa 4 tylli ki takma Tama hadooh wa kut ki yalehke ynnin ka 18 tarik.
Ki le ngut wa kynthup ya ka Ibadarishisha Mukhim ha ka kyrdan Full Contact Junior Girl Category below 48 Kgs kawa na Lumparing kawa puræ Class XI Student ha Laban Presbyterian Higher Secondary School, ka Anjalin Iakai na Shangpung Presbyterian Higher Secondary School ha ka Musical Form Soft Style With Weapon (SSW) Senior Women Category wa u Elbring Umbah ha ka kyrdan Full Contact Senior Men Category Below 60 Kgs naka chnong Mawtari Raid Thaïang Mawhati waroh da yoh takma Ksiar ki.
U Khrawjutang Kharsyntiew Full Contact Senior Men Category below 57 kgs na Mairang West Khasi Hills da yoh u ya ka takma Rupa.
U Vishal Rai Full Contact Senior Men Category below 51 kgs na Kench Trace Laban da yoh u ya ka wi ka takma Tama deilang wa u Kamki Kyndiah uwa na Jowai ha ka kyrdan Full Contact Senior Men Category below 60 kgs wa u Heimonmi Suchiang Full Contact Junior Boys below 54 kgs na Shangpung, West Jaintia Hills.
Discussion about this post