15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

81 ngut ki khynnah wa yoh COVID-19 na ki 347 ngut ha Mizoram

Ka jylla Mizoram ynne ka sngi da yoh ko ya kiwa boon dooh kiwa yoh COVID-19 ha ka chi sngi deiwa em 347 ngut kiwa dang yoh yow pynpoi waroh kiwa da dep yoh cha 14,534 ngut.

Na kiwa dang yoh, 246 ngut toh kiwa napoh Aizawl District, pynbood sa 50 ngut ha Kolasib, 31 ngut ha Lawngtlai wa 12 ngut ha Lunglei katwa kiwi kiwa sah toh kiwa ha kiwi ki District.

Na kini kiwa dang yoh, da em leh 81 ngut ki khynnah.

13 ngut na kiwa dang yoh toh kiwa lai wa wan katwa kiwi won da chem deiwa leh yei booddien namo ka Contact Tracing.

Na ki 347 ngut kiwa dang yoh, 188 ngut toh kiwa em ya ki dak ki ching wa chitom na u COVID-19.

Ini i boon dooh kiwa yoh ha chi sngi da chem deiwa Test ya ki 3,337 tylli ki nongmuna heiwa kiwa chah ktah da man ki 10.39% kawa tip leh kam ka Positivity Rate.

Ka Mizoram kattæ da em ko 3,585 ngut kiwa dang chah ktah, heiwa kiwa dang chait da em ki 122 ngut iwa da pynpoi leh ya waroh kiwa da chait wow em ki 10,891 ngut.

Waroh kiwa da chait kawa tip leh kam ka Recovery Rate ha Mizoram da man ko 74.94%, kiwa yap da em ki 58 ngut.

Heiyatoh wa i tika hapoh ka jylla da dep wow e la 2,77,502 sien heiwa na kini da em 52,826 ngut kiwa da yoh yei tika la arsien hadooh ynnin ka sngi.

Share this:
Previous

Du hapoh 20 sngi da chna ya ka thaw sumaar COVID-19 wa T. 21.46 klur ha Assam

Next

Thoh ka SBYWA cha u DC wa thut i krehkaam u Jio Tower ha chnong Lama