15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

82% kiwa yap na u COVID-19 ha East Khasi Hills toh kiwa da em kjut chwa

Advertisement ad1

Ka kyrwoh naka DC ka East Khasi Hills da pyntip ko wa ka District Covid-19 Task Force ka East Khasi Hills District da yachem ko haka kamra krehkaam yong ka haka 14 tarik uni u bnai yow chong pyrkhat ya kiwa yoh COVID-19, i leh Test wa kiwa da yap hapoh ka District.

Neidaw wa em ki kattu katni ki dong wa em boon kiwa khlaad kiwa em 20 ngut chaneiñ, da rai wa i booddien wa i thooh bniah u pteiñ i ha kam ini i thaw wei lada emkaam yow pynman kam ki Containment yow pyntikna wa da pynsangeh ya i poor u khñiang.

U District Surveillance Officer da pyntip u wa da em 7 ngut kiwa yap hapoh chitayaw hadooh ka 13 tarik uni u bnai iwa man wa kiwi yap da em ki 1.3% hapoh ka District. Katwa kiwa yap ha kiwa da heh rta man ko hadooh 10%, katwa 82% na waroh kiwa da yap toh kiwa em chwa ya i kjut.

Kamtæ hajrong ini, ka Deputy Commissioner da ban joor ko yei emkaam wow pait bniah ya kiwa da heh rta kamjooh ya kitu kiwa em chwa yei chitom. Katwa neiliang u DM&HO da pyntip u wa kiwa boon kiwa yap toh neidaw wa wanrah slem ya ki cha Hospital kamtæ ym toh wow leh stiñ lada em ki dak ki chin wei wow li rah wut wut cha ki thaw sumaar.

Chooh chooh u District Surveillance Officer da pyntip u wa da em ki por wa ki bru wa yoh ya uni u khñiang wa ym khana ki yei pyrtuid ki bru wa yachem ki wei da em leh kitu kiwa em hei maa wow yoh ya uni u khñiang wa kyntait ki wow leh ya ki Test iwa da booh hei eh wow tip hadooh katwon da poor u khñiang iwa da wanrah leh yei ku syndet kiwa yoh ya uni u khñiang.

Heiyatoh wa ini, ka Deputy Commissioner da pyntip ko wa daw pynchitom ya kitu ki wym bien u ya krehlang wa ki bru ka Health.

Hajrong won wa da poi ka samoi lehkmen, da phah ko wow bood ya ki kyndon kamjooh wym toh u pait khmat wei wow kyntait ya kiwa yoh COVID-19 lane kitu kiwa em hei maa wow yoh ya uni u khñiang neidaw wa ini da wanrah ko yei wym bien ki wow ya krehlang.

Khaddooh ka Task Force da rai ko leh wow pynjoor yei lai sylli ya ki thaw wa pynman yaw yow chem ya ki wym deiñ Mask, u yajngai uwi na uwi wei yow booh leh ya ki 3 tylli ki thaw Test paidbah.

Ka Deputy Commissioner da kyrpaad ko ya kiwa lehkmen leh sñiawbha, kiwa lai bia, kiwa lai thied tiar wow em ki yei kitkhlieh ha kini ki sngi wow wan yow lait u ku kiwa dang yoh iwa daw tymmoh yei lehkmen.

Share this:
Previous

Da pynbna ya ki 3 sngi kam ki sngi khang wow dai kiad ha East Khasi Hills

Next

Ym du ki seiñbhalang wa dawa ILP ha Meghalaya