Ka 2nd War Jaiñtia Scholarship Examination 2025 wa pynlai da ka Education Sub-Committee ka seiñ War Jaiñtia Students’ Union, ha ka 13 tarik uni u bnai da pynman ka deiwa lai bait lai ryntih deiwa chimbynta ki khynnah skur na waroh 3 Section kiwa da yaleh ya kani ka Competitive Exam ha ki 15 tylli ki Examination Centre hapoh ka thaiñ War Jaiñtia.
Ki khynnah skur kiwa wan chimbynta ha kani ka Exam da em ki 822 ngut thij iwa da ku da 9% hawa nujor wa u snem 2024 wa pynman nyngkong ya ka.
Ka Grateful A Pohthmi, Chairperson yong ka Education Sub-Committee ka seiñ da e khublei kyrpang ko ya kiwa sikai kiwa da wan wow yang Exam, ya ki Volunteer ka seiñ, ya ki skur kiwa e laad wow pynman ya kani ka Exam kamjooh i ya krehlang wei i ya kyrchaan ki paaid ka War Jaiñtia.
Neiliang u Gabriel Shylla, Publicity Secretary ka seiñ da pyntip u wa ka “Scholarship Distribution Ceremony” ha uni u snem daw pynman ka ha ka 22 tarik uni u bnai ha pchem ka Riwar Jaiñtia CoG Secondary School, Ladjaplem, Amlarem heipor 11:30 i step.
Hawa saam ya ka Scholarship daw em le u Lahkmen Rymbui, MLA ka thaaiñ uwa man leh u Education Minister, ka Dolly Khonglah kamwa man kam ka bru wa khih yong samen wa bna naam ka thaaiñ, u Roykupar Synrem, President HYC Central Body wa u Eldie N Lyngdoh, General Secretary ka FKJGP Central Body.
Ya ka Result yong kani ka 2nd War Jaiñtia Scholarship Examination 2025 daw pynbna ha kani ka 17 tarik heipor 4:30 noh chariñ ka sngi.
Discussion about this post