15 49.0138 8.38624 1 0 4000 1 https://wyrta.com 300 0
Advertisement ad1

9 kool ha ki le tylli ki yalehke sdang ka Independence Day Cup ka WJDSA

0 Comments

Jowai: Ka Independence Day Cup, Under 16 Football Tournament 2017 wa pynman da ka West Jaiñtia District Sports Association (WJDSA) da sdang ya ka ynne ka sngi wei daw pynkut ya ka ha ha ka sngi laitlood ka ri ka 15 tarik u Naisaphra.

Ha kani ka Tournament da wan chimbynta 20 tylli ki dhab na kylleiñ ka district. Ya ka yalehke da pynman ha Kiang Nangbah Stadium, Ladthadlaboh heiwa man ka sngi daw pynman le tylli ki yalehke lait noh ha ka sngi chohthat wa pynmann 7 tylli chi sngi. Nadooh ka sngi nyngkong hadooh ka sngi thohdieñ ki yalehke u sdang ki nadooh 1:30 i sngi katwa ha ka sngi chohthat won u sdang nadooh 8:30 i step katwa ka sngi bibar toh ka sngi chong sngi.

Ka yalehke toh 30 minit chi kylla.

Ha ka yalehke wa nyngkong hapyrdi ka Samatan SC pyrchah ya ka Lathadlaboh SC, ka Ladthadlaboh da jop suk ko da 4-0 heiwa ya ki kool da thap da u Lamhun Dkhar ha ka minit wa 13 wa 55, u Dawanmonmi Mynsong ha ka minit wa 18 wa u Dowell John Shylla ha ka minit wa 25.

Ha ka yalehke wa bood hapyrdi ka Mulang Ialong SC wa ka Sabah Muswang SC da jop ka Sabah da 2-1. Ya ki kool ka Sabah da thap da u u Precious Star Shylla ha ka minit wa 17 wa 48 katwa ya ka kool ka Mulang won da thap da u Dangeitlang Mulieh (Penalty) ha ka minit wa 41.

Ha ka yalehke wa khaddooh yong ynne ka sngi da pynman hapyrdi ka Mookyrdup SC wa ka Thadbamon SC da kut ko 1-1 heiwa ya ka kool ka Mookyrdup da thap da u Nini Pynkhlong katwa ya ka kool ka Thadbamon da thap da u Ioobiang Muksor ha ka minit wa 45.

Advertisement ad1

0 Comments

Leave a Reply