15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

93,249 ngut kiwa dang yoh COVID-19 ha India

Advertisement ad1

Kiwa dang yoh COVID-19 ha India ha kini ki 24 kynta da em ki 93,249 ngut iwa boon dooh haka chi sngi ha uni u snem kiwa ku man-ka-sngi la 25 sngi kattu. Kiwa dang chait da em ki 60,048 ngut, kiwa dang yap da em ki 513 ngut iwa mut wa kiwa dang em ya uni u khñiang da ku ki da 32,688 ngut.

81% na kiwa dang yoh toh kiwa em ha ki 8 tylli ki jylla kiwa boon dooh ha Maharashtra 49,447 ngut, Chhattisgarh 5,818 ngut, Karnataka 4,373 ngut, Delhi 3,567 ngut, Tamil Nadu 3,446 ngut, Uttar Pradesh 3,187 ngut, Madhya Pradesh 2,839 ngut wa ha Gujarat 2,815 ngut.

Na kiwa dang yap kiwa boon dooh toh 277 ngut du ha Maharashtra, 49 ngut ha Punjab wa ha Chhattisgarh 36 ngut.

Waroh kiwa da chait da em ki 93.14% kiwa em 1,16,29,289 ngut, kiwa dang chah ktah da em ki 5.54% kiwa em 6,91,597 ngut, kiwa da yap 1.32% kiwa em 1,64,623 ngut, deilang dapoi 1,24,85,509 ngut kiwa da dep yoh ya uni u khñiang hapoh ka jylla.

Heiyatoh won wa i e dawai, da dep wow e la 7,59,79,651 sien hadooh ynne i step wa kynthup ya 89,82,974 ngut ki Health Care Worker, ki Front Line Worker da em 96,86,477 ngut wa 4,70,70,019 ngut ki bru paidbah wa em 45 snem chaneiñ.

Share this:
Previous

Yoh COVID-19 sa u Akshay Kumar

Next

Palat T. 25,586 klur da e cha ki 1,14,322 tylli ki Account hapoh ka Stand Up India