99 tylli ki Complaint yoh ka CM Connect du na kawi ka chnong ha ka chi bnai

Ynnin ka sngi heipor wa pynman ya ka yalang ka CM Connect ha Chokpot, South Garo Hills, neiliang u Chief Minister, u Conrad Sangma da pyntip u wa ka sorkar da booh ko ya u Number 1971 neibynta kiwa chong chnong yow pyntip ki chaphang iwon iwon iwa chem chitom ki heiwa da yoh palat 300 tylli ki ujor (Compliant) ha u bnai wa dep heiwa 99 tylli toh du napoh ka Chokpot wei kiwa boon toh neibynta wym biang bordiñ heiwa kiwa boon da ye wow pynbait.

Hadooh ka 31 tarik u October, 2026, du na South Garo Hills da yoh 353 tylli ki Complaint heiwa 225 tylli da ye wow pynbait iwa man 63.7% wei hawa pait hapoh waroh kawi ka jylla kiwa da ye u pynbait toh 68.9%.

Du na Chokpot da yoh 99 tylli ki Complaint iwa heh dooh na waroh ki District wei na kini da ye wow pynbait 70 tylli iwa man 70.7% wei kiwa dang sah man ki 29 tylli. Ki 37 tylli na ki Complaint kiwa da yoh toh kiwa yatoh wa i bordiñ kiwa da ye u pynbait.

Kiwi de kiwa ood ki paidbah toh kiwa yatoh wa ki sarok, ka umdih, ka puræ puthi, i yarap poisa na ka, ki kaam wa yatoh wa ka MGNREGA wa i chait i khiah.

Related posts

Phah ka Consumer Commission ya ka Hospital wow su Rs.15.5 lak cha uwi neidaw wym ye u pynbiang Ambulance

November 10, 2026

Chiboon chah khooid ka la’ær ha Shillong bar ha Delhi hadien ka Diwali

November 10, 2026

U Conrad da ong u wa manda yoh u pynman ya ka CM Connect da e laad ko ya oo wow yachem u mar dei khmat wa kiwa chong chnong yow ap u sñiaw yeiwa chem chitom ki yow ye u yarap deiwa smat.

Da khana u leh wa ha South Garo Hills da em 92 tylli ki Project kiwa da pynkreh kiwa chongdor ₹941.48 klur heiwa na kini 18 tylli toh kiwa dadep kreh, 37 tylli kiwa dang pynkreh wa 37 tylli won kiwa dang pynkhreh yow sdang.

Du ha Chokpot C&RD Block da em 30 tylli ki Project kiwa chongdor ₹368.21 klur heiwa 10 tylli toh kiwa dadep kreh kiwa chongdor ₹71.10 klur, 15 tylli kiwa dang kreh kiwa chongdor ₹288 klur wa 6 tylli won kiwa dang pynkhreh yow sdang kiwa chongdor ₹54.57 klur.

Kini ki kreh kynthup ki nadooh ki sarok, ki yingkieñ, ka puræ puthi, ka sumaar sukhær, ki kaam Tourism ka rep ka riang wa kiwi de.

Kawa rap heh toh ka Eklavya Model Residential School ha Chokpot kawa da chna hei lut wa ₹45.40 klur chirup u wanrah ya ka Chokpot Civil Sub-Division and Administration Unit (Mini Secretariat) hei lut wa ₹6.15 klur.