Ka sorkar Meghalaya da pyntip ko ynne ka sngi wa da em sa soo tylli ki rel wa da pynkhreh kyrpang namo ki Special Train kiwa wankit yaki nong Meghalaya kiwa sahkut ha kiwa boon ki jylla ka ri.
Kawi ka Special Train toh kawa mih na Vijayawada, Andhra Pradesh ynne ka 26 tarik deiwa kit ko 317 ngut ki nong Meghalaya.
Kawi toh kawa daw mih na Delhi haka 27 tarik. Ki bru wa sahkut ha Delhi kiwa toh u lai luti da kani ka rel toh u phone ki ha kini ki number 011-23014341/011-23014451/011-23015130/ 9968262299.
Da em leh kawi ka Special Train na Jaipur, Rajasthan kawa kit ya 150 ngut ki nong Meghalaya kawa mih ynne ka 26 tarik.
Sa kawi ka Special Train toh kawa daw mih na Kerala ha kani ka 27 tarik na Trivandrum Central Station heipor 6 waje i janmiet wei daw kit bru ko leh na Ernakulum Junction wa na Palaghat Junction. Kani ka rel da pynbait nyngkong wow mih ko haka 26 tarik tangwa da hap wow kyrriah tarik noh yaka.
Ka sorkar Meghalaya da pyntip ko leh wa dang yaklam ko wa kiwi ki jylla wa em ki nong Meghalaya kiwa sahkut wei dang ya pynbait waki wei daw pyntip manda dep u chim yaka rai wa khaddooh.
Discussion about this post