Ynnin ka sngi ka 26 tarik i chah ktah nei chlai um ka wah Myntdu iwa da tymmoh yaka Pyntor Wah kamjooh cha par Myntang Ialong man i i wym pu ye wow kheiñ yei dooh nong nadooh ki pynthor ki hali, ki mrad hadooh ki bru kiwa da chah ktah na ini waroh.
Neiliang yong ka Dorbar Chnong Ialong da e khublei ko yaka District Administration, SP Office West Jaiñtia Hills District, OC Phramer Traffic Cell, Fire Service Jowai, ki Search & Rescue Team (SRT) Meghalaya Fire and Emergency Service Shillong, ki Team Adventure yong u Shibor Wahlang kiwa da kreh chitom wow pynlait im hadooh 10 ngut ki warep yong ka chnong kamjooh kiwa na baar chnong kiwa chah ktah neidaw wa sahkut cha ki thaw rep ha katai ka sngi deiwa yarap lang ka Dorbar Chnong nadooh u Waheh Chnong, Asst. Waheh Chnong, Secretary Chnong wa kiwi kiwi ki khon yong ka chnong.
Neiliang yong ka Dorbar Chnong da kyrpaad ko yaka sorkar wow yarap lang yaki warep wa ki thaw wa chah ktah, ki lyngkha, ki kor lur (Power Tiller), i oor i haap ki kynroh yong bru, ki sarok hapoh chnong poh thaw wa kiwi kiwi kiwa chah ktah na i wan syndet ka um naka wah Myntdu ka wah Myntang kawa heh kawa da tymmoh lut ya waroh wei kamjooh da pynsih yaki lyngkha, ki yung trep wa kiwi kiwi kiwa haap hapoh u pood u ang yong ka Dorbar Chnong Ialong.
I pyntip daka Dorbar Chnong Ialong.
Discussion about this post